Trafikkulukke: Bil hamna i grøfta i Åsen

Politiet rykte ut klokka 12.35 etter at ein bil hamna i grøfta i Åsen.

Det er 110 Hordaland som melder om hendinga på Twitter. Politiet fortel at det er snakk om ei mindre trafikkulukke.

– Bilen skal ha sklidd ut av vegen og treft ein lyktestolpe. Ulukka skal ha skjedd i sakte fart. Det er ikkje meldt om personskade. Det er heller ikkje mistanke om promille, fortel ein vakthavande politibetjent ved Os lensmannskontor.