annonse

Ung mann henta med luftambulanse

Henta med luftambulanse
Henta med luftambulanse: Både politi, ambulanse og luftambulanse kom til staden kort tid etter ulukke på Fusa i dag tidleg. (Foto: )

Ein ung mann vart henta med luftambulanse etter ei motorsykkel-ulukke på Fusa onsdag morgon.

Kenneth Svenningsen

Mannen, som er i slutten av tenåra, mista kontrollen på sin lette motorsykkel på veg ned Fusabrekko. Resultatet var at han braste i autovernet.

Ulykka vart meldt til politiet like før klokka halv åtte onsdag.

– Me har ikkje klart for oss kvifor mannen kolliderte med autovernet, men vil etterforska saka, seier politibetjent ved Fusa og Tysnes lensmannskontor, Kjartan Svendsen.

Godt forslått

Både politi, ambulanse og luftambulanse kom til staden kort tid etter. Mannen vart deretter frakta med luftambulanse til Haukeland universitetssjukehus.

– Mannen var medviten då han vart frakta vekk men han var nok godt forslått og trong å bli sjekka ut for skadar på sjukehuset, seier politibetjent Svendsen.

Han nyttar også høve til å skryta av dei som kom først til skadestaden.

– Det var jamnaldre vener og bekjente av den skadde, samt eit par andre bilistar. Dei gjorde alt rett. Tok seg av den skadde og dirigerte trafikken fint utanom skadeplassen, fortel Svendsen.

kenneth.svenningsen@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut