annonse

Uvisst om kiosken vil opna igjen

Søkjer nye drivarar
Søkjer nye drivarar: FosenNamsos Sjø ønskjer ikkje å driva kiosken sjølv, og ser etter andre som kan vera interesserte. (Foto: Camilla Kvamme)

Kiosken på MF Fosen har vore stengd sidan nyttårsskiftet, og det er førebels ingen som har gjeve signal om at dei ønskjer å drifta han vidare.

Benjamin Søgnen Olsen

– Det er etter det eg er kjend med, ikkje nokon som har vist interesse, men så kjem ikkje eg inn så tidleg i prosessen heller, seier administrerande direktør i FosenNamsos Sjø, Grete Fuglem Tennås.

Vil ikkje driva sjølv

Dei eksterne aktørane som dreiv kiosken, ønskte ikkje å halda fram då det ikkje var lønsamt. Ved kiosken heng det eit skriv som seier at det er ledig i kiosk-lokale, og at det berre er å ta kontakt dersom ein er interessert.

– Vi ønskjer ikkje å driva i eigen regi, seier Fuglem Tennås.

– Er det aktuelt å få inn noko anna enn ein kiosk?

– Først vil vi sjå om det er nokon andre som vil driva kiosk. Skulle det visa seg å ikkje vera det, vil vi ta ei ny vurdering, seier Fuglem Tennås.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.