Avlyst på grunn av snø
Kveldens fotballkamp mellom Os og Stord er avlyst.
Klokka seks skulle startskotet ha gått for Os mot Stord på Vikahaugane stadion i Leirvik.
Slik vert det ikkje. Mykje snø og dårleg brøyteutstyr førte til at hovuddommaren avlyste kampen medan Os-spelarane sat kamplare i garderoben.
Artikkelen held fram under annonsen.
Dermed vert det vendereis med uforretta sak for Os-laget.
Os hadde fiksa det
Kampen skulle ha vore den fyrste av to kvalifiseringskampar. Os lyt vinna begge for å gå vidare til cupens fyrste runde.
Trenar Karl Kvile reknar med å få beskjed om ny kamp torsdag eller fredag.
– Hadde vi spelt på Kuventræ, skulle vi ha fiksa det. Vi har langt betre måkeutstyr her i Os, seier han.
– Jaja, då blir det raspeballar på ferja heim,ler han.
anne-marie@osogfusa.no