Arne-Richard Stadaas og sonen Mads på treningstur i Alpes d´Huez. Den sykkelglade familien inviterer, i samarbeid med Sport Norge, til sykkelritt på Vinnes i mai.
Arne-Richard Stadaas og sonen Mads på treningstur i Alpes d´Huez. Den sykkelglade familien inviterer, i samarbeid med Sport Norge, til sykkelritt på Vinnes i mai.

– Eit sykkelritt og ein folkefest

I slutten av mai går tidenes første Vinnestempoen av stabelen i Fusa.

Påmeldinga til sykkelrittet – som er for alle over 15 år – har starta. Eikhaugen Gjestegard står bak rittet i samarbeid med Sport Norge. Arne-Richard Stadaas fortel at rittet på mange måtar er blitt til på grunn av sonen Mads, som satsar som proffsyklist.

– Då han valde å følgja draumen om å bli proffsyklist, blei interessa for sykkelsport ytterlegare styrkja i den sykkelglade familien vår, seier Arne-Richard og legg til:

Artikkelen held fram under annonsen.

– Etter ei rekkje fantastiske sykkelopplevingar under Norgescup og dagsritt starta etter kvart planane om å introdusera spenninga og engasjementet kring profesjonelle ritt til amatørar og tursyklistar å ta form. Ideen om temporitt på Vinnes, blei fødd.

Budsjett på over 50.000 kroner

Med Eikhaugen Gjestegard som ein profesjonell aktør, ein engasjert hovudsponsor, og med kvalifiserte løypevakter og eit stort tal funksjonærar, er vilkåra for å kunna avvikla eit profesjonelt landevegsritt oppfylt. Vi har gjennom fleire år hatt kontakt og samarbeid med Jan Frode Skeie, som nok kan seiast å vera mannen bak Sport Norge. Det var følgjeleg naturleg å introdusera Vinnestempoen, som sykkelritt og folkefest, for Skeie, som med Sport Norge sa ja til å vera hovudsponsor for arrangementet.

Rittet har eit budsjett på i overkant av 50.000 kroner.

Det er blitt mange sykkelturer på familien Stadaas. Her er Siv Grethe og hunden Bono på sykkeltur i Toscana.
Det er blitt mange sykkelturer på familien Stadaas. Her er Siv Grethe og hunden Bono på sykkeltur i Toscana.

– Vi er svært glade for at Jan Frode og Sport Norge ønskjer å vera ein del av denne sykkelfesten. Sjølv om vi begge er kommersielle aktørar, er det ønsket om å dyrka idrettsglede og folkehelse som er den viktigaste drivaren bak våre to verksemders engasjement i denne samanhengen.

Ikkje gjort før

Vidare fortel Arne-Richard at Vinnestempoen er tenkt å bli ein årleg «happening på Vinnes» – dersom dei oppnår å laga den sykkelfesten dei ser føre seg.

– Det vi gjer med Vinnestempoen, er å introdusera eit profesjonelt arrangement også for breiddeidretten – der amatørar skal få sykla mot meir profesjonelle utøvarar, og kvinner møter menn. Det er ikkje gjort før, og vi er sjølvsagt veldig spente på korleis eit sykkelritt som dette vil bli møtt blant utøvarane. Vi skal gjera alt i vår makt for å laga til ein durabeleg sykkelfest, seier Arne-Richard