Signerte 19 år gamal spiss

Eskild Båsen (19) er Lysekloster sin tredje sommarsignering. Spissen kjem frå Vard Haugesund.

Eskild Båsen blei tidleg sett på som eit talent i rogalandsklubben, der han fekk sin debut på seniorlaget som 16-åring, skriv Lysekloster IL på heimesida si.

– Eg visste at Lysekloster var ein veldig bra 3. divisjonsklubb med ambisjonar om å spela på eit høgare nivå. Det passar meg godt å koma til ein klubb som er like ambisiøs som meg. Eg vil utvikla meg for å nå mine personlege mål og samstundes bidra til at Lysekloster rykkjer opp, seier den nye spissen i eit intervju på Lysekloster.no.

Båsen kan få sin debut i helga i borteoppgjeret mot Varegg.