annonse

Tilbake der dei høyrer heime – på toppen av pallen

: ( (Foto: Arkiv)

Anders Mol og Christian Sørum stortrivst i Gstaad. For andre året på rad vann dei turneringa i Sveits.

Benjamin Søgnen Olsen

Førre helg måtte den norske duoen ta til takke med bronsefinale i VM, og Sørum sa i intervjuet etter finalesigeren i Sveits at det har vore tøft i tida etter turneringa i Hamburg.

– Men vi har jobba hardt og forberedt oss godt før kvar kamp her, sa han.

Blant dei største turneringane

I Gstaad var dei to unge herrane i storform. I Puljespelet vann dei begge kampane, då var det sveitsiske Quentin Mètral/Yves Haussener, og russiske Nikita Ljamin/Taras Myskiv som blei nokre nummer for små.

I åttandedelsfinalen slo dei amerikanarane Jacob Gibb/Tyler Crabb, før brasilianarane Guto/Saymon blei slått ut i kvartfinalen. I semifinalen venta eit anna brasiliansk par i Oscar Schmidt og Evandro Goncalves Oliveira. Etter to sett (21-18 og 21-14), var Mol og Sørum klare for finalen mot Brouwer/Meeuwsen. Nederlendarane klarte til tider å halda følgje, men Mol og Sørum vann etter to sett (21-17 og 21–15). Femstjernersturneringa i Gstaad er blant dei største og prestisjetunge ein kan vinna i sandvolleyball.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut