Størst på arbeidsinnvandring
Bortsett frå Bergen, er ingen større på arbeidsinnvandring i Hordaland, enn Os kommune.
I Os er heile 11,4 prosent av befolkninga arbeidsinnvandrarar. Om ein ser bort frå Bergen, gjer det Os til den største arbeidsinnvandringskommunen i fylket.
Andre randkommunar til Bergen som Fjell, Askøy og Meland, har høvesvis 9,9 prosent, 8,6 og 8 prosent arbeidsinnvandrarar.
Artikkelen held fram under annonsen.
Men ikkje berre har Os stor arbeidsinnvandring, ein har også svært store miljø av einskilde folkegrupper. Dei to største folkegruppene er Polen, med 444 personar, og Litauen med 324 personar. Då er det ikkje til å undrast over at litauarar i haust starta opp litauisk foreining i Os.
Tala er henta frå rådmann Knut Terje Rekves budsjettdokument for 2016-1019. Den nyleg avtroppa rådmannen reiser der også spørsmål om kva aukande arbeidsløyse vil bety for arbeidsinnvandrarane.
- I kva grad desse vil returnera til heimlanda om arbeidsmarknaden ikkje vert så positiv i Norge framover, står att å sjå. Om mange reiser, kan Os oppleve at folkeveksten vert redusert, seier han.
