Arrangerer ny konsert
For andre gong på tre månader, inviterer dei unge musikarane Frida Solheim og Lilly-Mae Grønvigh til konsert.
11. november i fjor inviterte jentene, i regi av UROF – Ung Rock i Os og Fusa, til konsert for ungdom, med ungdom. Konserten fann stad i Os rockeklubb. Dette var den første konserten jentene arrangerte. Då Os og Fusaposten snakka med dei i november, sa dei at dei håpa på å få arrangera ein konsert i Fusa også. Det skulle ikkje gå meir enn tre månader før dei fekk det til.
– Kven er det som arrangerer?
Artikkelen held fram under annonsen.
– Det er Lilly Mae Grønvigh og eg, i tillegg til seks andre ungdomer. UKM Fusa og Fusa ungdomsråd er også med, seier Solheim og legg til:
– Vi arrangerer i Fusa Rockeklubb i Nesjaheimen på Vinnes. Konserten går av stabelen fredag 12. januar.
Banda som skal spela er Sleepwalkers, Perpleks, The Potatoes, The Blooming Bruises og Los Hipsters.
– Vi skal også ha jamsession etterpå. I crewet er dei same som sist gong, og det er sjølvsagt gratis å koma inn.
