Håpar snart å få lys i lokala i Drageset-bygget igjen
Sidan Tiny Trolls stengde ned i jula, har det vore mørkt i lokalet i førstehøgda i Dragesetbygget.
Etter tre år i bygget var eventyret over for barnekledebutikken Tiny Trolls i jula. Sidan har det vore mørkt i lokalet i det gamle varemagasinbygget i Os sentrum.
Norgesgruppen ASA sit framleis på ein leigeavtale for lokalet etter at Joker-butikken la ned for fem og eit halvt år sidan. Selskapet jobbar no med å få nytt liv førstehøgda.
Artikkelen held fram under annonsen.
— Me håpar ein framtidig leigetakar vil bidra med positivisme for innbyggjarane i Os, seier Torbjørn Ørgersen.
Han er regionsleiar i Norgesgruppen.
— Korleis går arbeidet?
— Me har nokre konkrete interessentar, men per no er ingenting avklart.
— Veit du når de kan ha noko meir konkret å koma med?
— Me skal jobba meir med denne saka neste veke, så få får me sjå kva som skjer, seier Ørgersen.
