Båtførar blåste raudt på Tysnesfest 2019 – tilstod i retten

Mannen i slutten av 20-åra har erkjent forholdet og fått straffa.

Laurdag 13. juli kring klokka 02.00 skal osingen ha køyrd båt. Han skal ha blitt stoppa ved hamna på Våge. Vel ein time seinare blei det teke blodprøve, som skal ha vist ein alkoholkonsentrasjon i blodet på 2,0 promille.

Mannen har tilstått. I tillegg til ein bot på kroner 9.000, må han klara seg utan rett til å føra båtførarpliktig fritidsbåt i eitt år frå rettskraftig dom.