Vestland innfører éin meters avstand mellom kollektivpassasjerar
Bergen kommune og Vestland fylkeskommune vil at kollektivpassasjerar skal ha minst éin meters avstand mellom kvarandre. Dei oppmodar til å unngå rushtida.
Førarane på buss skal ikkje ta med fleire passasjerar dersom dei må stå med mindre enn ein meter mellom kvarandre.
Bussen kan dermed køyra forbi haldeplassar. Det vil òg vere vektarar og personell på utvalde haldeplassar.
Artikkelen held fram under annonsen.
Vedtaket gjeld for all kollektivtransport i Vestland fylke.
– Skyss/Kringom er i dialog med operatørselskapa om korleis ein i praksis skal handheve dei nye krava. Dette kan vere krevjande å få til i alle tilfelle, og vi ber difor alle reisande å vere flinke til å halde avstand til kvarandre og vurdere kva tid det er nok passasjerar om bord, heiter det i ei pressemelding.
Regjeringa har gitt følgjande råd som gjeld kollektivtrafikken:
Unngå offentleg transport om du kan
Unngå alle fritidsreiser
Dersom du likevel må reise, følg desse råda:
Reis utanom rushtida, gå, sykla eller ha heimekontor
Ikkje gå om bord utan at du ser at det er plass
Artikkelen held fram under annonsen.
Benytt bakre inngang på bussar
Hald 1 meter avstand, også til føraren
Unngå kontant betaling
Følg rettleiing frå personell
