Blir fjerna frå hyllene

Coop kallar tilbake Xtra grillpølser på grunn av mistanke om listeria i produktet.

Det gjeld produkt merket med best-før-dato: 22.04.2023, 23.04.2023 og 24.04.2023, opplyser Coop.

– Varene er fjerna frå butikkhyllene, men nokre kundar kan likevel ha fått kjøpt produktet. Listeria vil døy ved tilstrekkeleg varmebehandling, men det finst jo dei som et kalde pølser, og vi ønskjer derfor å varsla kundane våre då dei skal kunna stola på at dei produkta dei handlar hos oss, er trygge, seier kommunikasjonssjef Harald Kristiansen i Coop Norge.