Trygt heime: Her er Milli heime att på sofaen hos matmor Inga. Foto: Privat

Etter meir enn eit døgn på rømmen, er Milli endeleg heime igjen

Eigaren rettar ei stor takk til alle som har hjelpt til med å leita.

Matmor Inga Martūzaitė er svært letta etter at halvt år gamle Milli i dag kom heim att.

Ho fortel at Milli vart funnen av ein familie som køyrde gjennom Hegglandsdalsveien i halv fire-tida. Dei såg den vesle hunden ved eit busstopp nær huset til Inga.

Artikkelen held fram under annonsen.

Milli hadde med andre ord vore i nærleiken heilt sidan ho vart borte i sju-tida fredag morgon.

Endeleg heime: Jammen godt å koma heim til sofaen og matmor Inga. Foto: Privat

Sidan Os & Fusaposten skreiv om vofsen i går, er saka blitt delt meir enn 250 gonger. Matmor Inga kjem med fylgjande helsing til slutt:

— Tusen takk til alle som har lest og delt innlegget om Milli i avisa eller på «Os kjøp,salg og bytte». Takk til «Rømlingen» og tusen hjarteleg takk til Ane Bøthun Leganger og hennar venninne for hjelp med å finna Milli.