Forlét bilen etter motorhavari og reiste på jobb: Politiet meiner bilførar handla i god tru
Politiet rykte ut og dirigerte trafikken medan dei venta på bilberging.
Ein bilførar på veg til jobb måndag morgon fekk problem over Langedalen.
— Vi fekk meldinga klokka ti på ni. Det stod ein bil med naudblinken på i Langedalen. Meldar hadde problem med å koma seg forbi, fortel politioverbetjent, Atle Birkeland.
Artikkelen held fram under annonsen.
Politiet rykte ut og dirigerte trafikken medan dei venta på bilberging.
— Eigar av bilen kom seg på jobb på anna vis, og skal ha gjort eit forsøk på å få bilen godt ut av vegen. Likevel stod bilen i veg for nokon, seier Birkeland.
— Kan ein gå frå bilen på den måten om han er til hinder for trafikken?
— Nei, det er ikkje lov, men her ser vi det som sagt som at eigar har gjort eit forsøk på å få bilen ut av vegen og trudd at det gjekk fint. Bilførar handla i god tru, seier Birkeland.
