Til sjukehus: Totalt tre personar var involverte i ulukka. Dei tre vart køyrde til sjukehus etter ulukka. Foto: Norkart

Fri ferdsel att mellom Tysse og Eikelandsosen etter frontkollisjon

Det er no fri ferdsel att på Fv. 48 mellom Tysse og Eikelandsosen etter ein frontkollisjon ved Sævild i formiddag.

Totalt tre personar var involverte i ulukka. Dei tre vart køyrde til sjukehus etter ulukka. Det er meldt om store materielle skadar på bilane, og vegen var stengd i ein periode etter ulukka, og det var også manuell dirigering på staden i samband med bilberging.

– Alle skal ha kome seg ut av bilane på eiga hand, ifølgje operasjonsleiar Terje Magnussen.

Vegen er no rydda etter ulukka.