Har sendt ut farevarsel: Ventar kraftige vindkast
Eikelandsosen er i randsona for farevarselet.
Frå seint torsdag kveld til fredag ettermiddag er det venta lokalt kraftige vindkast på 27-30 m/s fra søraust. Vinden vil auka først i sør, og minka sist i nord.
Farevarselet gjeld for indre og midtre strøk av Vestland fylke og Rogaland.
Artikkelen held fram under annonsen.
Folk vert tilrådd å sikra lause gjenstandar og unngå unødvendig ferdsel på utsette stader.
– Følg råd og sjekk status frå transportaktørar. Sjekk vegmeldingar (175.no). Vis varsemd ved ferdsel i strandsona og på sjøen. Vurdér tiltak for å avgrensa skade, heiter det i varselet.
Den sterke vinden kan føra til at lause gjenstandar kan blåsa avgarde og det er moglegheiter for kansellerte avgangar for ferje, fly eller annan transport.
Dette heiter det vidare om konsekvensar i farevarselet:
– Bruer kan bli stengt. Enkelte reiser vil kunna få lengre reisetid. Straumforsyninga kan bli påverka, for eksempel som følgje av tre som knekk eller kjem i kontakt med straumnettet. Enkelte vegar kan bli stengd på grunn av tre eller andre objekt i vegbanen. (...) Den sterke vinden kan gi lokalt høge bølgjer i fjordstrøk og innsjøar.
Vinden skal løya frå fredag ettermiddag.
