Dykkarar er i sjøen og søkjer.
Dykkarar er i sjøen og søkjer.

Hatvik: Dykkarar har avslutta søk

Dykkarane har avslutta søket i sjøen ved Hatvik.

Det var like før kl 19 politiet fekk melding om det tipsar meinte kunne vera ein person som fall i vatnet.

- Meldinga gjekk på noko oransje i vatnet som kunne vera ein arm  i ein regnjakke, fortel innsatsleiar Atle Birkeland.

Både brann, politi og luftambulanse rykte ut, og dykkarar frå både Os og Bergen.

Båt frå Røde Kors vart også tilkalla, men sendt i retur.

Dykkarar har no søkt i området ved kaien og innover i vika utan å ha funne noko.

Framleis pågår det søk langs land. Om dette ikkje gjev resultat, vil ein avventa eventuell sakna-melding for ein tek opp att søket.

- Me har undersøkt opp mot bilar som står parkert her og båtar, og me har vore i kontakt med eigar av båthamna og mannskap om bord på ein av Samba sine båtar som ligg her. Dei har ikkje sett noko. Per no har me ingen sakna-meldingar og vil avslutta søket, seier Birkeland.

Ferja er attende i trafikk, etter å ha lagt å venta til søket ved kaien var over.