Her blei ein mann stoppa utan gyldig førarkort. På Halhjemsvegen blei det skrive bøter

Ein mann måtte parkera bilen på staden etter å ha blitt stoppa av politiet onsdag formiddag.

I ein e-post opplyser politioverbetjent Atle Birkeland ved Bjørnafjorden politistasjon at ein bil blei stansa på Hatvikvegen i 09.40-tida onsdag formiddag.

— Bilførar, som er ein mann i 40-åra, har ikkje gyldig førarkort. Han blei meld for dette og bilen blei parkert på staden, skriv Birkeland.

Vidare opplyser politiet at Utrykkingspolitiet (UP) har hatt laserkontroll på Halhjemsvegen. Dei kontrollerte i 70-sone og det var fire bilistar som blei stoppa for å køyra for fort. Bilisten som var hardast på gasspedalen, blei målt til 86 km/t.

— Det kostar i dag 5.150 kroner og fører til to prikkar i førarkortet, skriv Birkeland.