Inga overnatting i småbåthamnene i Bjørnafjorden
Det har kommuneleiinga bestemt.
– På tilråding frå kommuneoverlegen og smitteoverlegen, har kommuneleiinga avgjort at det ikkje vil vera tillatt for båtfolk frå andre kommunar å overnatta i gjestehamnene i Bjørnafjorden kommune. Dette gjeld frå og med 3. april og til annan beskjed blir gitt, skriv kommunen på sine heimesider.
Det vert opplyst at avgjerda er heimla i smittevernlova § 4-1.
Artikkelen held fram under annonsen.
- Bakgrunnen er den same som for hytteforbodet, nemleg den auka belastninga tilreisande personar kan utgjera for den kommunale beredskapen, utdjupar kommunen.
Servicebygget i Os hamn er òg stengt.
