Mannen i 40-åra vil bli avhøyrt i løpet av dagen.
Mannen i 40-åra vil bli avhøyrt i løpet av dagen.

Mann i 40-åra i arresten etter to brannar i Gymnasvegen

Mannen sit i arresten og skal avhøyrast i løpet av dagen.

Politiet fekk melding om to mindre branntillaup på gras, lyng og bos kl 22.58 torsdag kveld. Begge fann stad i Gymnasvegen med om lag 200 meters mellomrom.

Takk vera vitneobservasjonar, kunne politiet raskt pågripa ein Os-busett mann i 40-åra.

Artikkelen held fram under annonsen.

Han tilstod straks å ha tent på og vart frakta til arresten i Bergen.

Mannen, som også har tent på brannar før, vil bli avhøyrt i løpet av dagen.

– Veit de noko om motivet?

– Det må vi koma tilbake til etter avhøyret, men det handlar nok ikkje om å brenna hageavfall, men om at han likar å sjå at det brenn, seier lensmann Oddbjørn Dyrdal.

Det er ingenting som tyder på at vedkomande handla med ynske om å starta nokon storbrann.

– Men slikt er vanskeleg å sikra seg mot. Det er fort gjort å mista kontrollen, seier Dyrdal.

Forelegg eller fengsel

– Kva straffereaksjon risikerer vedkomande?

– Det kjem an på korleis ein vurderer skadepotensialet til brannane. Dersom det blir kategorisert som skadeverk, er reaksjonen forelegg. Er det eit større farepotensial, kan det vera fleire år i fengsel. d KAn vere alt frå forelegg til fleire år i fengsel.

Artikkelen held fram under annonsen.

Mannen er ikkje straffa med fengsel tidlegare.

anne-marie@osogfusa.no