Nabo klaga på høg musikk frå naust
Politiet fekk melding om forstyrring av natteroa.
Meldinga kom kl 02.40 natt til i dag, og omhandla eit naust i Kuvågen.
– Det vart meld om høg musikk frå eit naust, og nabo fekk ikkje sova. Politiet var dessverre oppteken med andre oppdrag, opplyser innsatsleiar Atle Birkeland.
Artikkelen held fram under annonsen.
Han fortel også at eigaren av båten som det blei meldt om til lokale medium måndag, har meldt seg og henta båten.
Kl 02.30 natt til tysdag blei ein mann busett i Bjørnafjorden stoppa på moped like utanfor Osøyro.
– Det blei mistenkt at han var ruspåverka. Mannen blei tatt med til legevakt for blodprøve. Han er meldt for køyring utan gyldig førarkort og mistanke om køyring i ruspåverka tilstand, opplyser Birkeland.
