No kan du senda brev til sjølvaste julenissen
Den populære postkassen er på plass i eventyrskogen.
Om du tek turen gjennom eventyrskogen på Kyrkjeflaten i Os sentrum, kan du i år som i fjor få synet av nissen sin postkasse.
Her kan små og store senda inn ønskelistene sine til nissen.
Artikkelen held fram under annonsen.
Eit populært tilbod
Postkassen er eit populært tilskot i førjulstida. Den plar å få inn 800 til 1.000 brev opp mot julaftan.
Det var Stine Kobbeltvedt i Kultureininga som starta initiativet med postkassen tilbake under pandemien i 2020.
— Dei var kjempeflinke og gjorde det koseleg og stemningsfylt på Osøyro, skryter styreleiar i Os sentrumsforeining, Paal Moberg.
For Moberg var det viktig å vidareføre den populære attraksjonen.
No er det frivillige i Os sentrumsforeining som har teke over ansvaret. På dugnad bidrar medlemer med å setja opp postkassen og pynta eventyrskogen klar for jul.
