Oransje farenivå: Melder om svært høg vasstand

Vasstanden måndag er estimert til å bli 60 cm over høgda oppgjeven i tidvasstabellane

Meteorologisk institutt (MET) melder om svært høg vasstand (oransje nivå) måndag 10. februar for Vestland.

Den høge vasstanden er ein kombinasjon av høgt tidvatn og vindretninga, som skal vera inn mot kysten. Vasstanden er venta å vere høgst natt til tysdag.

Varselet gjeld for strekninga Åna Sira til Stad: Måndag seint formiddag og tidleg ettermiddag er det venta svært høg vasstand, estimert 60 cm over høgda oppgjeven i tidevasstabellane.

MET har lista opp oversvømmingar fleire stader og fare for moderate øydeleggingar på infrastruktur og bygg i strandsona, som konsekvensar av den høge vasstanden.

MET rår folk til å sjekk fortøyinga til båten og sikra lause gjenstandar inne i naust og i strandsona.