Politiet fann heimelaga våpen under ransaking
Mannen i slutten av 20-åra hadde ei forklaring på kvifor han hadde gøymd våpen bak døra si.
Ein person som skal ha vore i huset saman med mannen, melde frå til politiet i helga.
– Dette er ei adresse som vi reiser mykje til. Mannen stod fram som rusa då politiet kom til staden. Det blei gjennomført ransaking, og gjort funn av marihuana og ulovlege våpen, fortel politioverbetjent Anne Lyssand ved Bjørnafjorden lensmannskontor.
Artikkelen held fram under annonsen.
Våpena skal ha vore gøymd bak døra.
– Mannen fortel at han har våpen, då han er av den oppfatning av at nokon er ute etter han, og at dei skal koma og ta han. Våpena er heimelaga. Politiet har oppretta sak på forholdet, fortel Lyssand.
