Slik blir markeringa av 22. juli i Bjørnafjorden
Det planleggast i år fleire nasjonale og lokale markeringar av 22. juli, ettersom det no er 10 år sidan terrorangrepa i regjeringskvartalet og på Utøya fant stad.
I Bjørnafjorden vil det bli gjennomført ei enkel minnemarkering.
Soknekyrkjene på Os, Fusa og i Strandvik vil 22. juli ringja med klokkene frå kl 12.00 til 12.05 og det vil bli flagga i Minneparken på Osøyro denne dagen.
Artikkelen held fram under annonsen.
Bjørnafjorden AP vil også arrangera ei markering i Minneparken i Os. I det kyrkjeklokkene ringjer vil det bli nedlegging av blomar på minnesmerket og opplesing av dikt og dagens ord.
Etterpå vil det bli open kyrkje i Os frå klokka 12:00 til 13:00.
Kommunen viser elles til det nasjonale programmet for dagen, koordinert av regjeringa, og arrangement i Bergen kommune.
