To bjørnafjordingar fekk 5.500 kroner i bot etter gjennomsnittsmåling

Ein mann køyrde for fort i Hegglandsdalen, og ei ung kvinne var for hard på gasspedalen på Lepsøyvegen.

Politiet stoppa ein mann i 22.30-tida i Hegglandsdalsvegen onsdag kveld. Mannen, som er fødd i 1987, køyrde i 68 km/t i 50-sona.

— Han fekk eit førelegg på kroner 5.500 og tre prikkar, og vedtok dette på staden, fortel politioverbetjent, Anne Lyssand ved Bjørnafjorden lensmannskontor.

På Lepsøyvegen var det ei kvinne, som akkurat gjekk klar prøvetida, som blei stoppa av politiet.

— Kvinna er fødd i 2000. Ho køyrde i 69 km/t i 50-sona. Det blei same storleik på bota som mannen i Hegglandsdalen. Også ho fekk tre prikkar — og ho vedtok førelegget på staden, fortel Lyssand.