– Var du på festen? Gå i karantene og bestill test

– Var du på festen på laurdag? Gå i karantene og bestill test, oppmodar kommuneoverlege Klaus Melf.

Smittesporinga etter festen på Kuventræ der ein av deltakarane fekk påvist covid-19, held fram.

Alle som var på festen er rekna som nærkontaktar, og må gå i karantene og testa seg. Fram til negativ test ligg føre, må òg husstandsmedlemer vera i ventekarantene.

– Eg ber òg føresette om å sjekka med borna sine om dei var til stades på den aktuelle festen, legg kommuneoverlegen til.

Husstandsmedlemer til nærkontaktane er òg i karantene til det første testsvaret er klart.

Nærkontaktar må i utgangspunktet vera i karantene i 10 dagar, men kan avslutta karantenen dersom ein kontrolltest tatt etter sju dagar er negativ