– Vatnet tok seg inn i mange naust
Trass i høgvasstand, ser det ut til å ha gått relativt bra på Fusa-sida av Bjørnafjorden kommune.
– Det var veldig høg vasstand, og vatnet tok seg inn i mange naust, fortel vakthavande på Fusa-sida av Bjørnafjorden kommune.
Vakta fortel at han ikkje har blitt kalla ut på oppdrag i samband med den høge vasstanden, men at det ikkje vil seia at vatnet ikkje kan ha gjort skade.
Artikkelen held fram under annonsen.
– Det lysnar ute no, og det kan vera at nokon får seg eit sjokk på morgonkvisten.
Heller ikkje på Os-sida, har det vore mange oppdrag å snakka om. Brannvesenet rykte ut til ei privatadresse på Osøyro. Der hadde vatnet teke seg inn i kjellaren.
– Det var om lag fem centimeter høg vasstand i kjellaren, fortel vakthavande ved Bjørnafjorden brann- og redning, Martin Østgulen Svendsen.
Det har også kome inn ei melding om vassinntrenging i ein kjellar i Os sentrum tidleg tysdag morgon.