— Vi arbeider på staden no, men det ser ut til å ha gått bra
Innsatsleiar Morten Moberg opplyser at det er snakk om ein sotbrann.
I dag tidleg fekk brannvesenet telefon frå ein huseigar i Kuvågvegen.
Det kom nemleg gneistar opp frå skorsteinen på huset.
Artikkelen held fram under annonsen.
— Det er snakk om ein typisk sotbrann. Når slikt skjer, er det heilt riktig å kontakta brannvesenet, seier innsatsleiar Morten Moberg i Bjørnafjorden brann og redning.
I skrivande stund er dei på staden for kontroll, medan feiaren er oppe på taket og undersøker skorsteinen.
— Det ser ut som om alt går bra. Det er heilt roleg her. Skulle vi finna ein plugg i skorsteinen, så må vi feia den og få han ut av huset, fortel Moberg.
Han opplyser vidare at det har vore ein del sotbrannar i det siste.
Han presiserer dessutan at det folkelege begrepet pipebrann er misvisande, i og med at det ikkje er pipa, men soten som brenn.
— Det er heilt typisk når det blir kaldt. Med høge straumprisar fyrer folk gjerne litt ekstra.
