– Vogntoget måtte snu og køyra mot Os att
Politiet med oppdatering etter at eit vogntog køyrde seg fast måndag ettermiddag.
Ein lastebil køyrde måndag kring kl 16 av vegen i Hegglansdalen like etter Heggland.
– Det viste seg å vera eit utanlandsk vogntog som hadde fått bakhjula utanfor vegbanen. Det måtte ha hjelp av bilbergar for å koma seg på vegen att, opplyser vakthavande.
Artikkelen held fram under annonsen.
Vegen var tidvis heilt stengd og det blei dirigert trafikk på staden frem til opning ca kl 19.30.
– Ingen reaksjonar mot førar, men vogntoget måtte snu og køyra mot Os att. Dette på grunn av ei avgrensing på 12 meter lengde på køyretøya på vegen vidare.
