Mol og Sørum sikra siger i den første OL-kampen
Australia og Noreg følgde kvarandre tett i det siste settet, men det var Noreg som til sist trekte det lengste strået.
Sandvolleyballduon Anders Mol og Christian Sørum spelte den første kampen sin i OL i Tokyo i ettermiddag.
Motstandar på OL-arenaen Shiokaze Park var Chris McHugh og Damien Schumann frå Australia.
Artikkelen held fram under annonsen.
Mol og Sørum vann det første settet 21–18. Deretter slo Australia tilbake med dei same settsifra. Duoen fekk ein god start på settet, og nordmennene greidde aldri å henta inn igjen leiinga.
I siste sett følgde dei to laga kvarandre tett, men det var Noreg som til slutt greidde å dra i land sigeren med ein skikkeleg susar frå Mol. Stillinga vart 15–13.
Måndag møter Mol og Sørum duoen Herrera og Gavira frå Spania, medan i den siste kampen i gruppespelet, som går av stabalen onsdag, ventar Semenov/Lesjukov frå Russland.
