Tillate med fritidsaktivitetar inne og ute for alle under 20 år
Barn og unge under 20 kan trena og delta i fritidsaktivitetar som normalt, både ute og inne, seier statsminister Erna Solberg (H).
– Dei kan òg sjå bort frå tilrådinga om ein meters avstand når det er nødvendig i utøvinga av aktivitet, sa Solberg då ho gjorde greie for koronahandteringa for Stortinget måndag.
Ordinær treningsaktivitet internt i lag, klubbar og foreiningar kan derfor gjennomførast.
Artikkelen held fram under annonsen.
– Men kampar, cupar og stemne, også for barn og unge må framleis utsetjast. For vaksne blir tilrådinga vidareført om ikkje å driva organisert aktivitet innandørs. Utandørs kan det trenast, dersom det er mogleg å halda god avstand, sa Solberg vidare.
Toppidretten blir tilrådd å utsetja alt seriespel i to veker.
