Vann pris som Årets lag under Idrettsgallaen
Anders Mol og Christian Sørum fekk pris etter fjorårets knallsesong.
– Wow. Dette her er gøy altså. Shit, var Mol sin spontane reaksjon frå scenen då han og Sørum mottok prisen laurdag kveld.
– Tusen takk til juryen som har stemt oss fram og gratulerer til alle nominerte. Det har vore eit fantastisk år for idretts-Noreg. Då er det ekstra gøy å få denne prisen i år, sa Mol vidare.
Artikkelen held fram under annonsen.
Makker Sørum løfta fram alle som jobbar i kulissane, og takka teamet med Kåre Mol i spissen, Beach Volley Vikings, landslaget, familie og venner, Norges volleyballforbund, Olympiatoppen og samarbeidspartnarar.
Mol nytta høvet til å takka alle som har følgd duoen i år.
– I heimbygda mi, som har 500 innbyggjarar, var det 800 som stod opp midt på natta for å følgja OL-finalen, smilte Mol.
– Det er fantastisk å sjå kor stort engasjement dette har skapt her i Noreg. Tusen takk igjen. Denne skal me dela med laget vårt.
