annonse

Båtbyggjar Berit Osmundsen blei tildelt stipend frå Kulturminnefondet

Berit Osmundsen i Oselvarverkstaden er tildelt stipend frå Kulturminnefondet
Tildelt stipend: Berit Osmundsen i Oselvarverkstaden er tildelt stipend frå Kulturminnefondet: (Foto: Simen Bjørgen)

Berit Osmundsen får kredit for å ha blåst liv i båtbyggjartradisjonen i Os. I går fekk ho stipend på 50.000 kroner under Forbundet Kystens konferanse «Båtar, tradisjon og innovasjon».

Benjamin Søgnen Olsen

– Berit Osmundsen har, med sin iver og entusiasme, blåst nytt liv i båtbyggjar tradisjonen i Os, seier styremedlem i Kulturminnefondet, Per Kyrre Reymert.

Dette kan stipendet nyttast til

Grunngjevinga er den store innsatsen ho gjer for å setja søkelyset på trebåtar generelt og Oselvar-båten spesielt. Stipendet på 50.000 kroner kan nyttast til reiser og foredragsverksemd for å formidla erfaringar frå aktiv innsats i praktisk kulturminnevern over mange år.

– Kulturminnefondets nasjonale formidlingsstipend har som mål i bidra til å skapa gode haldningar i høve bygningsvern i Noreg i tillegg til å begeistra ulike målgrupper og syna korleis det er mogleg å redda kulturarv, sjølv om mykje kan sjå håplaust ut, seier Reymert.

Stor entusiasme

Det er Margunn Lyhammer som nominerte Osmundsen til stipendet. Dette skriv ho i nominasjonen:

– Berit er levande oppteken og entusiastisk for alle delar av faget sitt. Ho har med stor entusiasme dei siste åra gjort sitt for å blåse nytt liv i engasjementet kring trebåtar generelt, og Oselvar-båten spesielt. Hennar evne til å formidla, og entusiasmen omkring faget har smitta over på mange i og kring Os. Oselvaren er kåra til Noregs nasjonalbåt, og Berit formidlar med stor iver både historia og dagens bruk av båten, og er ein stor del av båtbyggjartradisjonen ved Oselvo.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut