annonse

Blå-blå infiltrør i raudt lokale

Elefanten i rommet
Elefanten i rommet: Joakim Håvik stemmar FrP, men hadde likevel funnet vegen til venstresidas valvake på Hannes. Her med Martin Eikeland, Anders Bøe og Marte Skutlaberg. (Foto: )

På Hannes var det valvake for dei som ønskjer ny regjering. Det hindra ikkje ein ung FrP-ar å snika seg inn.

Det var ei salig blanding ungdomar som hadde funne segbord framfor bartendar Bjørn Bosse Sigurdjonsson måndag kveld.

Trass i svært ulike politiske syn, var dei like fullt samde om at det gjekk an å vera saman på valkvelden.

Fire vener, fire parti

Mest på 'avveie' var Joakim Håvik som stemmer FrP.

– Er du infiltrør og skal springa til Bar(t) for å fortelja om kva som blir sagt på Hannes?

– Huff, neida. Eg er her berre med vener og kjente og pratar, ler unge Håvik.

Ved bordet hans sat også Martin Eikeland (Sp), Anders Bøe (Rødt) og Marte Skutlaberg (Sv).

– Er det politikk de pratar om, eller?

– Nei, faktisk ikkje. I dag har me prata om alt anna. Det går an å ha ting til felles, sjølv om me stemmer ulikt, seier Anders Bøe.

– Men de bør vel ikkje nemna til Helge Steinum & co at de har med dykk ein FrP-ar?

– Hehe, nei, det held me kjeft om.

kenneth.svenningsen@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.