I vinden som aldri før: Marius Neset kan bli Årets internasjonale suksess
Prestisjeoppdraga står i kø for saksofonist Marius Neset denne sommaren. No er han nominert til Spellemanns «Årets internasjonale suksess».
Marius Neset er ein av fem nominerte til Spellemanns «Årets Internasjonale suksess» for 2017. Dette er den tidlegare eksportprisen som vert delt ut i samarbeid med Music Norway.
Dei andre nominerte er Caroline Ailin, Stargate, Ina Wroldsen og Kvelertak. Tidlegare vinnarar er mellom andre Kygo og Alan Walker.
Artikkelen held fram under annonsen.
Då nominasjonen blei offentleggjort onsdag, var Marius på veg til scenen i Bergen der han spelar på opningskonserten til Festspillene i Bergen saman med mellom andre søstera Ingrid Neset.
1. juni spelar Marius Neset i Håkonshallen under festspela saman med Leif Ove Andsnes, Andreas Brantelid og kvintetten sin.
Sidan dreg han til London og vidare til USA og Canada for sin første turné der. I juli ventar tre konsertar på Kongsberg: Opningskonserten med den nye musikken han har skrive for London Sinfonietta og kvintetten, ein konsert som gjest med Chick Corea Akoustic Band og konsert som trio med Lionel Loueke og Andreas Brantelid.
jostein@osogfusa.no
