Lesarbrev: Turveg langs Skeisosen
Les Andreas Hageviks forslag til turveg langs Skeisosen.
Forslaget tar utgangspunkt i start ved kommunal veg i Skeisleira, og følger eksisterande veg over Døskjarelva og fram til første naustrekke i Skeisbotn. Bak naustrekkja er det ein mur som hindrar samanhengande veg. Ei trapp vil gjera nytta, eventuelt la vegtraseen følga eksisterande veg like bakom.
Etter naustrekkjene må det etablerast ny veg over utmark fram til eksisterande naust i Djupevika. Der er det delvis ein etablert sti fram til Dahlsvegen, like nedanfor Dahlsvegen 97.
Artikkelen held fram under annonsen.
I Hagaviksfjøra kan ein velja å̊anleggja ny veg bakom eksisterande naust, men det er kanskje enklare å nytta eksisterande veg frå sjøen og opp til Hagaviksbakken. Os kommune eig òg ein eigedom med badestrand i fjæra her, og eksisterande veg er på denne kommunal grunnen.
Vegen følgjer så Dahlsvegen ned mot sjøen. Frå området framfor Dahlsvegen 39 må det etablerast ny veg fram til Hagaviksfjøra. Her er det stadvis eksisterande veg. Sørgrensa til Dahlsvegen 39 er opprinneleg sørgrensa til bruksnr 12 Vestberg. I skyldsetninga til dette bruket datert 1904, er det forbeholdt rett til veg to meter frå̊ sjøen, langs denne, og fram til sjøvegen i Hagaviksfjøra og til Hagaviksbakken. Det bør såleis vera rom for å få til ein gangveg reint juridisk.
Vidare vil vegen følgja kommunal veg Hagaviksbakken, framfor Helse Bergen sitt sjukehus Kysthospitalet i Hagevik, langs eksisterande turveg utover langs sjøen, vidare oppover eksisterande turveg fram til det er naturleg å etablera ny turveg utover neset mot Askvikvågen.
Frå Helse Bergen sin eigedom må det byggjast ny turveg over Hordaland Fylkeskommune sin eigedom, vidare over eit tal private grunneigarar og fram til Statskog SF sin eigedom innerst i Askvikvågen.
Frå friluftsområdet innerst i Askvikvågen følger vegen kommunal veg fam til Askvikneset. Askvikneset er som kjent også̊ eigd av Os kommune.
På sjølve Askvikneset er det fleire alternativ, det er berre få meter som trengst som eit minimum for å knyta kommunal veg saman med den private vegen fram til leilegheitsbygga i Nedre Askvik.
