annonse

Mann i 40-åra i arresten etter to brannar i Gymnasvegen

Eldspåsetjing
Eldspåsetjing: Mannen i 40-åra vil bli avhøyrt i løpet av dagen. (Foto: Illustrasjon)

Mannen sit i arresten og skal avhøyrast i løpet av dagen.

Politiet fekk melding om to mindre branntillaup på gras, lyng og bos kl 22.58 torsdag kveld. Begge fann stad i Gymnasvegen med om lag 200 meters mellomrom.

Takk vera vitneobservasjonar, kunne politiet raskt pågripa ein Os-busett mann i 40-åra.

Han tilstod straks å ha tent på og vart frakta til arresten i Bergen.

Mannen, som også har tent på brannar før, vil bli avhøyrt i løpet av dagen.

– Veit de noko om motivet?

– Det må vi koma tilbake til etter avhøyret, men det handlar nok ikkje om å brenna hageavfall, men om at han likar å sjå at det brenn, seier lensmann Oddbjørn Dyrdal.

Det er ingenting som tyder på at vedkomande handla med ynske om å starta nokon storbrann.

– Men slikt er vanskeleg å sikra seg mot. Det er fort gjort å mista kontrollen, seier Dyrdal.

Forelegg eller fengsel

– Kva straffereaksjon risikerer vedkomande?

– Det kjem an på korleis ein vurderer skadepotensialet til brannane. Dersom det blir kategorisert som skadeverk, er reaksjonen forelegg. Er det eit større farepotensial, kan det vera fleire år i fengsel. d KAn vere alt frå forelegg til fleire år i fengsel.

Mannen er ikkje straffa med fengsel tidlegare.

anne-marie@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut