annonse

Nore Neset jenter 14 vann B-finalen i Sør Cup

Blå flagg til topps
Blå flagg til topps: Nore Neset jenter 14 feira finalesigeren i B-sluttspelet i Sør Cup onsdag ettermiddag. (Foto: Anne Turid Bjørnevik)

Med 2-0 over Sædalen i finalen kunne Nore Neset jenter 14 feira med champagne og heva dei blåkvite flagga i Kristiansand.

Kenneth Svenningsen

Blåtrøyene spelte ein solid kamp mot finalemotstandaren frå Bergen. Ei stund stod kampen å vippa, men etter kvart tilreiv Nore Neset-jentene seg overtaket.

– Første omgang var jamn, men etter kvilen tok me meir og meir over, seier trenar Håkon Straume.

Raske angriparar

Fem minutter ut i andre omgang skåra Tiril Søreide Solberg osingane sitt første mål. 1-0 stod seg nokre minutt, før kantspelar Helene Kviteberg Lyssand stakk gjennom, skåra sikkert og fastsette sluttresultatet til 2-0.

– Sædalen prøvde å stå høgt på oss. Me svarte med å slå i bakrom. Der var me god, spesielt ved kjappe Helene K. Lyssand. Ho var kanskje banens beste i denne finalen, skryter trenar Straume.

Han er kjapp med å leggja til at samtlege jenter på laget gjorde sitt til at cupen enda med pokal.

– Dei har vore fantastiske, alle jentene, slår han fast.

Feiring i klubbhuset

Etter å ha jubla frå seg sette Nore Neset-jentene kursen heim mot Os.

– Resten av feiringa får me ta i samband med siste trening før ferien. Me får unna oss litt godis i klubbhuset eller noko, seier trenar Straume.

kenneth.svenningsen@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut