annonse

Ny tid for «Tid for hjem»

Ny fornying
Ny fornying: Ole Reinert Berg-Olsen ser fram til nok ein gong å få «Tid for hjem»-gjengen til å fornya kjøkenet og stova. (Foto: )
Pianoet med Spellmannsprisen må ut
Pianoet med Spellmannsprisen må ut: Det gamle klenodiet med musikar-prisen til Ole på toppen, må ganske sikkert ut når huset skal fornyast. (Foto: )

10 år etter at Kjersti Bergesen & co rocka opp kjøkenet og stova, får Ole Reinert-Berg Olsen «Tid for hjem»-gjengen tilbake.

Kenneth Svenningsen

Dermed blir Os-artisten truleg den første i oppussingsserien på TV som frå sitt andre besøk av Bergesens kreative og produktive team.

– Det blir moro å sjå kva dei gjer. Kari og eg har gjeve dei heilt frie tøyler, så det blir jo litt spennande, seier Ole Reinert.

Rock`n`Roll-bule

Sist «Tid for hjem»-gjengen var i aksjon i Berg-Olsens hus i Solbakken var Ole Reinert ungkar og spelemann. Det bar også fornyinga av stova og kjøkkenet preg av.

– Ifølgje Kari (Oles kone) er det slutt på rock`n`roll-livet no. I alle høve her heime, ler 35-åringen.

– Neida, frå spøk til alvor. Sjølv eg skjønar at svart kjøkken med kvitevarer i 1950-talsstil og stor bar ikkje lenger er like passande no når eg har kone og born, legg Ole Reinert til.

Kom brått på

Det var kona som sendte søknad om å få oppussingsteamet på besøk. Då positivt svar kom no i vinter, vart det plutseleg litt brått med tid.

– Me har jo eigentleg ikkje tid til dette. Både Kari og eg har mykje anna me styrer med for tida, men pytt pytt. Me kan jo ikkje takka nei til Bergesen & Co. Det er jo eit veldig kompetent team som kjem her, seier Os-artisten.

Denne veka fekk han telefon frå produksjonsselskapet Pandora. No er det berre å byrja å rydda.

– Og eg som berre elskar å rydda, ler Ole ironisk.

Innviingsfest

Uavhengig av korleis det går, vågar Ole og Kari å invitera til innviingfest etter påske.

– Både Kari og eg er open for mykje. Me har tillit til at «Tid for hjem»-gjenen finn på noko fint og kult. Dermed tek me sjansen på å feira det med litt selskap. Det er ikkje så ofte ein får høve til å innvia ei nydesigna og oppgradert stove, seier Ole Reinert.

kenneth.svenningsen@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut