Oppturløparane imponerte opp Stoltzen
Over 20 utøvarar frå Opptur Motbakkeklubb var i aksjon i Stoltzen opp på laurdag. Best gjekk det for Marita Nygård som vart niande beste av samtlege 1.471 deltakande kvinner.
Marita Nygård har trena og løpt for Opptur Motbakkeklubb det siste halve året. Ungjenta er frå Tysnes, men har altså kome over fjorden for å løpa og trena seg opp med motbakkeklubben på Nore Neset.
Under laurdagens Stoltzen opp sprang Marita på fenomenalt sterke 11,12. Med det vart ho nummer fire i klassen for kvinner 18-34 år. I samandraget vart ho altså niande beste kvinne.
Artikkelen held fram under annonsen.
- Dette er Noregs-topp-klasse. Me i klubben er svært stolte av å ha Marita med oss. Ho er rå, skryt klubbkamerat og laurdagens lagleiar, Helge Asbjørnsen.
- Eg har vore sjuk i det siste, så eg måtte ta jobben med å støtta og sekundare, fortel Asbjørnsen.
Andreas nest best
Nest best av Opptur-gjengen var Andreas Størkson. Han spran på svært sterke 10,46. Med det vart han nummer 16 i klassen for gutar 15-17 år.
Tredje beste frå klubben vart Kjetil Styrvoll. Han sprang på 10,52. Med det blei han nummer sju i klassen for menn 45-49 år.
Beste frå Opptur Motbakkeklubb var igjen Geir Skaten. Han sprang på 10,10 og vart med det nummer fem i klassen for menn 40-44 år.
