Prikka inn rocke-formen
Hans Marius Johnsen spelte opp til fest då Instinct feira 45 år i Os laurdag.
Sentralt i feiringa var sjølvsagt evigunge Prikken (Steinar Bøe). Os' mest kjente kledeseljar har jobba på Instinct-butikken i Os sentrum i alle 45 åra.
- Steinar er ein institusjon. Me er sååå glade for å ha han med oss her framleis. Det ville ikkje vore det same, seier dagleg leiar Petter Hanøy, som sjølv har vore i firmaet i nær 40 år.
Artikkelen held fram under annonsen.
Musikalsk sal
For å markera jubileet, som på toppen av det heile innbefatta 60 årsjubieleum for heile kjeda som sådan, hadde Instinct-gutane fått med seg Øyanes mest aktive trubadur, Hans Marius Johnsen.
Plekter-haldaren frå Øyane stilte godt oppdressa for høvet og klinte til med nypressa akkustisk rock for høvet.
- Det er jo heilt fenomenalt å få ein kar som dette til å spela her i butikken. Eg kjenner rockefoten gå. No er det berre å eta kaffi, prata med kundane og kosa seg, slo ein stornøgd Hanøy fast.