Satsar på restaurant i «Solsiden-lokalet»
Det skjer spanande ting i Irisfabrikken.
Etter fem års drift i Os måtte Tore André Sagstad sjå seg nøydd til å leggja ned utestaden Solsiden. Dette skjedde i mars i 2017. Sidan har lokalet stått tomt. Eit par månader før, kjøpte Krohnås Prosjekt Irisgården. Den siste tida har det vore aktivitet i det gamle Solsiden-lokalet, og dagleg leiar i Irisgården AS, Christian Tellefsen, stadfestar at noko er på gang.
– Vi jobbar med å finna restaurant til «Solsiden-lokalet». Lokalet er ribba ned og klargjort for ombygging, seier Tellefsen, og legg til at dei jobbar med nokre aktørar.
Artikkelen held fram under annonsen.
– Ingenting er spikra nett no. Så snart ein avtale er på plass, vil vi sjølvsagt melda om kven som kjem inn.