Inviterer til haustferie-kino
Haustferien står for døra, og Oseana gjentek suksessen med haustferie-kino.
- Bygdekinoen er jo her vanlegvis på søndagar, men vi har hatt god suksess tidlegare med å setta opp kino i vinter- og haustferiar, fortel marknadsansvarleg Janne Mari Hjelle.
Denne gongen inviterer kunst- og kultursenteret til ein ekstra kinodag laurdag 15. oktober, slik at det er høve til å gå på kino i begge haustferie-helgane.
Artikkelen held fram under annonsen.
Storfilmar begge dagar
Den ordinære kinosøndagen 9. oktober får osingane sjansen til å få med seg den nye norske suksessen «Kongens nei».
- Denne filmen er allereie svært etterspurt blant osingane, og billettane går unna, seier Hjelle.
Barnefilmen denne dagen er den nye animasjonsfilmen «Storkene».
Laurdag 15. oktober er det den heilt ferske «Børning 2» som blir vist.
- Før Børning-filmen kjem Os Amcar Club til å stille med nokre av sine bilar utanfor Oseana, som det vil bli høve for publikum å ta i nærare ettersyn, fortel Hjelle.
Barnefilmen den 15. oktober er eventyrfilmen «Peter og Dragen».
