Inviterer til konsert med Kvedarkvintetten
Tysdag 1. september inviterer Stiftinga Lyngheim til konsert med folkemusikarar frå aller øvste hylle.
Kvedarkvintetten er ei gruppe songarar frå Hallingdal som syng folketonar a capella. Gruppa har vore aktiv i mange år og opptredd på ei rekkje festivalar og scener i Noreg. Blant anna storsatsinga til NRK med programmet «Julefolk» i 2011 og festivalar som Førde Internasjonale Folkemusikkfestival, Telemarkfestivalen, Osafestivalen og den Norske Folkemusikkveka på Ål.
Arrangementa spenner seg frå det fartsfylte til det vare, frå unison slåttetralling til firstemte viser, heiter det i ei pressemelding.
Artikkelen held fram under annonsen.
Kvedarkvintetten består av fem songarar frå den vesle bygda Torpo i Hallingdal. Dei er to + tre systrer: To blad Risdal Liahagen og tre blad Myhr.
Dei vil gjerne vera med og bidra til at tradisjonssongen frå Hallingdal blir meir synleggjort, då det framleis er mykje ukjend stoff som fortener å koma fram i lyset, heiter det i omtalen av gruppa.
