Inviterer til ny solidaritetskonsert i Os kyrkje

Det har vorte ein fin tradisjon med solidaritetskonsert rundt juletider i Os kyrkje.

Lokale artistar stiller engasjerte opp, utan noka form for honorar. Målet er å samla folk til ei god konsertoppleving og informasjon om naudhjelp til krigsramma.

I år har vi fokus på det vi opplever som uverdige tilstandar som sivilbefolkninga vert utsett for i dei meiningslause konfliktane som i både Ukraina og Midt-Austen.

Mange tusen menneske er på flukt frå krigshandlingar og manglar alt frå vatn og mat til medisinar.

Dei har eit håp om fred og eit normalt liv.

Flyktninghjelpen er aktivt inne og prøver med sin innsats å avhjelpa situasjonen for dei svakaste.

Konferansier for årets solidaritetskonsert, 17. desember i Os kyrkje, vert Marie Bruarøy.

Desse artistane stiller opp:

Eirik Søfteland/Olav Skorpen

Anna Neset og Solfrid Hernes

Jan Haaland

Mighty Magnolias

RES

Victoria Bakka

Leif Østrem

Michael Lekven

Tetiana Sorochan

Solomiya og Nazar Romanyshyn

Os Kulturutvikling

Os sokneråd

Galleri Solbakkestova