Inviterer til smooth jazz under Osfest
Oseana byr på eit av Europas største trompettalent under Osfest.
- I år som i fjor gjev Oseana deg festivaljazz under Osfest. Medan du ventar på at programmet skal braka laus på festivalscena, kan du nyta musikk frå ein av våre fremste jazzmusikarar, lokkar kunst- og kultursenteret i ei pressemelding.
Askøyværingen Hans Marius Andersen blir sett på som eit av dei fremste trompettalenta i Europa. I år held han konsertar mellom anna i Krakow, Berlin og New York.
Artikkelen held fram under annonsen.
- På denne konserten serverer han både eigne låtar, pop-perler frå andre artistar som Sting, Human Nature og Michael Jackson, pluss fleire jazzklassikarar, fortel Janne Mari Hjelle ved Oseana.
Musikken hans blir karakterisert som instrumental pop-jazz og smooth-jazz.
Andersen opptrer laurdag ettermiddag.
