– Me er svært glade for den varme mottakinga me fekk frå vertskapet

Ei gruppe frå Fjordblikk dagsenter i Eikelandsosen, totalt 9 personar og 2 frå personalet, fekk ei flott oppleving på Eidegrend klyngjetun i Hålandsdalen måndag.

Her vart me hjarteleg mottekne av leiar Lisbeth Eide og Jannicke Berg. Den gamle floren på garden er restaurert til eit staseleg lokale. Gamle skattar både for bruk og til pynt, var å sjå. Borda var nydeleg dekka med duftande sommarblomar og levande lys. Me fekk rømmegraut med heimelaga flatbrød, spekemat og frukt til, og etterpå vart det kaffi og heimebaka lefser.

Samtalen gjekk rundt borda, både om felles kjente og om historia til klyngjetunet.

Me er svært glade for den varme mottakinga me fekk frå vertskapet. Staden, veret og oppvartinga gjorde at me fekk ei god oppleving ilag.

Turen vart til via tildelte kulturmidlar frå Statsforvaltaren i Vestland.

Me rettar ei stor takk til Eidegrend klyngjetun som la alt så fint til rette for oss og gjorde turen vår til ein festdag!

Ingunn Tveit

Aktivitør

Anne-Siv Skåthun Berge

Vernepleiar