Med Etiopia i fokus
Søndag inviterer Kulturbedehuset Fredheim på Vinnes til ettermiddagssamvær. Tema for ettermiddagen er Etiopia.
Osvald Hindenes som i mange år har budd i Etiopia som utsending for Misjonssambandet vil gje interessante glimt frå dette spennande landet si historie og kultur, og vil også setja fokus på norsk misjon i Etiopia.
Etiopia er dronninga av Saba sitt rike. Det er landet med dei fabelaktige klippekyrkjene i Lalibela, nord i landet. Det er landet med over 800 spennande og ulike folkegrupper og like mange ulike språk og kulturar.
Artikkelen held fram under annonsen.
Det er landet der arkeologiske utgravingar har gjort det mogleg å få innblikk i kultur og folkeliv heilt tilbake til 1.000 år f.Kr.
Etiopia er det afrikanske landet som aldri har vore koloni, og som dei siste 20 åra har hatt ei eventyrleg utvikling.
Norsk misjon i Etiopia begynte i 1948, og i dag har Etiopia ei av verdas raskast veksande kyrkjer, Den Etiopiske Evangeliske Kirke, Mekane Yesus.
Mannskoret Credo vil gleda oss med sin vakre song!
Velkomen til et innhaldsrikt samvær!
Harald Rydland
Kulturbedehuset Fredheim
